Mark Rutte, protehá Boneiru, Sint Eustatius i Saba!

Mark Rutte,

Boneiru, Sint Eustatius i Saba ta importá!

Bo ta promé minister for di 2010, pa e habitantenan di Boneiru, Sint Eustatius i Saba tambe. Subida di nivel di laman, tormentanan i kalor ekstremo ta forma un riesgo gigantesko pa futuro di e tres munisipionan akí di Hulanda.

Sea bo ta biba na Ameland, Boneiru òf Valkenburg, tur hende ke pa e gabinete protehá nos futuro kontra e krisis ambiental. Esei kiermen protekshon di nos kasnan, nos trabounan i nos salú, awor i pa futuro generashonnan.

Lamentablemente bo gabinete a skohe pa no protehá tur hende. Tin e konosementu i tin plannan pa warda mayoria di nos for di e konsekuensianan masha grandi di e krisis ambiental, pero apénas esakinan ta disponibel pa e hendenan ku ta biba na Boneiru, Sint Eustatius i Saba. Kaminda nos sa masha hopi tempu kaba ku e islanan Karibense ta masha vulnerabel pa e konsekuensianan di e krisis di klima. 

Kada bes bo gabinete ta keda hala e tres islanan un banda. Hopi hende apénas por kubri òf no por kubri nan gastunan mes, por ehèmpel pasobra gobièrnu no ta sòru pa un suèldu mínimo (‘minimumloon’) na drechi. Falta di akshon pa ku klima ta yuda empeorá e pobresa akí.

No mester ta asina! Nos tin e rekursonan i konosementu pa protehá nos tur. P’esei bo gabinete tin ku tuma akshon pa protehá e hendenan ku ta biba na Boneiru, Sint Eustatius i Saba tambe. Nos ke pa bo sa ku e firmantenan di e karta akí ta bai forma e moketa ku ta nesesario pa sòru ku nos gobièrnu ta okupá di nos futuro, unda sea ku nos ta biba.

Promé minister Rutte, durante bo periodo komo minister-presidente tabatin bastante reto i dilema ku semper bo a keda posponé. Mustra awor un otro banda di bo, i protehá e habitantenan di Boneiru, Sint Eustatius i Saba, dor di bini ku maneho di klima hustu pa tur hende.